ہر جاندار کو موت کا ذائقہ چکھنا ہے

ارشاد باری تعالیٰ ہے


کُلُّ نَفْسٍ ذَآئِقَۃُ الْمَوْتِ ثُمَّ اِلَیْنَا تُرْجَعُوْنَ، ( ٥٧ العنکبوت )
ہر جاندار کو موت کا ذائقہ چکھنا ہے پھر تم سب کو ہماری طرف لوٹ کر آنا ہے

پہلے تمام انبیاء بھی وفات پاچکے ہیں۔
اﷲ تعالیٰ نے قرآن کریم میں پہلے انبیاء کی وضاحت فرمائی کہ وہ سب اپنے مقاصد پورے کر کے دنیا سے وفات پا کر اپنی منزل کی طرف لوٹ گئے۔

ارشاد باری تعالیٰ ہے:
وَمَا جَعَلْنٰھُمْ جَسَدً ا لَّا یَاْ کُلُوْنَ الطَّعَامَ وَمَا کَانُوْا خٰلِدِ یْنَ (٨:انبیاء )
اور ہم نے ان (رسولوں)کے ایسے جسم نہیں بنائے تھے جو کھانا نہ کھاتے ہوںاور نہ تھے وہ دنیا میں ہمیشہ رہنے والے۔

رسول صلی اللہ علیہ وسلم کی وفات کے بارے میں فرمان رب العالمین۔
کسی کو آپ صلی اللہ علیہ وسلم کی وفات میں شک نہ رہے اسلئے اﷲ تعالیٰ نے اپنی کتاب میں اپنے رسول صلی اللہ علیہ وسلم کو انکی وفات کی خبر دے دی۔

ارشاد باری تعالیٰ ہے؛
ِانَّکَ مَیِِّت وَاِنَّھُمْ مَیِّتُوْنَ (الزمر)
(اے پیغمبر) بے شک (ایک دن) آپ کو مرنا ہے اور وہ سب بھی (ایک دن) مریں گے۔

ایک اور مقام پر یوں ارشاد فرمایا:
و َمَا جَعَلْنَا لِبَشَرٍمِّنْ قَبْلِکَ الْخُلْدَ، اَ فَائِنْ مِّتَّ فَھُمُ الْخَلِدُوْنَ َ (انبیاء)
اور (اے پیغمبر) ہم نے آپ سے پہلے کسی بشر کیلئے ہمیشہ کی زندگی نہیں رکھی اگر آپ فوت ہو جائیں تو یہ لوگ کیا ہمیشہ زندہ رہیں گے۔

ارشاد باری تعالیٰ ہے:
قُلْ اِنَّ صَلَا تِیْ وَ نُسُکِیْ وَ مَحْیَایَ وَ مَمَاتِیْ ِﷲِ رَبِّ الْعٰالَمِیْنَ۔ (الا نعام)
(اے رسول) فرمادیجئے شک میری نماز اور میری قربانی اور میرا جینا اور میرا مرنا سب اﷲ کیلئے ہے جو تمام جہانوں کا رب ہے۔
نبی صلی اللہ علیہ وسلم یوں دعا فرمایا کرتے تھے!۔
اے اﷲ میں تیرے علم غیب اور مخلوق پر تیری قدرت کے واسطے سے تجھ سے سوال کرتا ہوں کہ مجھے زندہ رکھ جب تک زندہ رہنا میرے لئے بہتر ہے اور مجھے موت عطا کر جب میرے لئے موت بہتر ہو(سنن نسائی باب الدعا)

جنگ احد اور وفات رسول ۖکی افواہ
جنگ احد کے موقعے پر کفار نے یہ افواہ پھیلادی تھی کہ محمدۖکو شہید کر دیا گیا ہے یہ خبر سن کر صحابہ اکرام رضوان اﷲعلیہم کے حوصلے پست ہو گئے اور میدان جنگ سے ان کے قدم اکھڑنے لگے تو اﷲ تعالیٰ نے اس آیت کا نزول فرمایا:

وَمَا مُحَمَّد اِلَّا رَسُوْل قَدْ خَلَتْ مِنْ قَبْلِہِ الرُّسُولُ، اَفَائِنْ مَّاتَ اَوْ قُتِلَ اَنْقَلَبْتُمْ عَلیٰ اَعْقَابِکُمْ،وَمَنْ یَّنْقَلِبْ عَلٰی عَقِبَیْہِ فَلَنْ یَّضُرَّاﷲَ شَئْیًا، وَسَیَجْزِی اﷲُ الشّٰکِرِیْنَ (ال عمران)
اور محمدصلی اللہ علیہ وسلم تو صرف ایک رسول ہیں ان سے پہلے بھی رسول آچکے ہیں اگر یہ فوت ہوجائیں یا قتل کر دیئے جائیں تو کیا تم الٹے پائوں پ�